На мяжы з Польшчай затрымалі рэкордную партыю запчастак
6- 21.06.2014, 11:29
- 15,120
Падазроны груз рухаўся транзітам праз Беларусь у Расею.
Амаль паўтары тысячы аўтазапчастак на суму 1,6 мільярда рублёў нелегальна спрабавалі правезці праз пункт мытнага афармлення «Брузгі-2». Падазроны груз рухаўся транзітам з Польшчы ў Расею на аўтамабілі «ДАФ». Спачатку тавар вырашылі ўзважыць. Калі вага паводле дакументаў не сышлася з фактычнай, аўтамабіль праверылі больш старанна. Так у ходзе агляду выявілася, што заяўленая колькасць не адпавядае сапраўднай, піша выданне «Вячэрні Гародня».
Як паведаміў намеснік начальніка Гарадзенскай мытні Мікалай Багалейша, сярод кантрабанды былі тармазныя дыскі, шлангі і іншыя запчасткі да дарагіх нямецкіх аўтамабіляў. Нелегальны груз быў амаль у тры разы даражэй за тавар, які афіцыйна ехаў паводле дакументаў, - каля 500 млн рублёў.
Сам перавозчык сітуацыю пракаментаваць не змог. Паводле ягонай версіі, ён не ведаў, што вязе такую колькасць тавару, ды яшчэ і нелегальна.
Зараз запасныя часткі знаходзяцца на складзе мытні да рашэння суда. Паводле гэтага факта праводзіцца праверка.
Фота: «Вячэрні Гародня»