Ала Цупер: «Домрачавай падарылі кватэру? Мне такіх падарункаў не рабілі»

Алімпійская чэмпіёнка Ала Цупер паведаміла, што пасля перамогі на Гульнях у Сочы дзяржава ёй не падарыла кватэру.

Пра гэта яна распавяла by.tribuna.com.

- Ала, Дар'і Домрачавай і Надзеі Скардзіна пасля Алімпіяды падарылі кватэры, а вам?

- Нам - не, такіх падарункаў не рабілі.

- А вы дзе жывяце?

- У двухпакаёвай службовай кватэры, якую я выкупіла, 56 квадратаў. Вядома, у будучыні плануем пашырацца, хочацца, каб у дачкі быў свой пакой. Да таго ж, магчыма, мы не спынімся на адным дзіцяці... - сказала Цупер.