WizzAir адкрыў чатыры новыя рэйсы з Рыгі
- 21.06.2014, 16:16
- 7,252
Лоўкостэр Wizz Air прапануе чатыры новыя маршруты - у Барселону, Донкастэр-Шэфілд, Дортмунд і Парыж.
Таксама будзе павялічана частата рэйсаў у Лондан (Лутон) і Осла (Торпа), піша rus.DELFI.lv.
У гэтым годзе Wizz Air плануе перавезці з аэрапорта Рыгі 348000 пасажыраў, паведаміў журналістам камерцыйны дырэктар кампаніі Дзьердзь Абран. У мінулым годзе авіякампанія перавезла з Рыгі 230000 пасажыраў.
Абран сказаў, што ў Рызе адкрытая ўжо 17-я база Wizz Air. Гэта не толькі новыя магчымасці падарожнічаць для жыхароў Латвіі, але і новыя працоўныя месцы.
Паводле слоў міністра зносін Анрыйса Маціса, адкрыццё базы Wizz Air у Рызе пацвярджае, што аэрапорт канкурэнтаздольны.
Кіраўнік аэрапорта Алдзіс Мурніекс выказаў надзею, што Wizz Air не абмяжуецца ў Рызе адным самалётам. Гэта дазволіць раўнамерна размеркаваць пасажырапатокі, а аэрапорт будзе адчуваць сябе больш стабільным, які не залежыць ад аднаго перавозчыка.
Адзначым, што многія беларусы карыстаюцца рэйсамі лоўкостэраў, якія вылятаюць з бліжэйшых сталіц - Вільні, Варшавы і Рыгі.