ЧС у футболе: расклад матчаў суботы
1- 21.06.2014, 17:29
- 13,452
Сёння на чэмпіянаце свету ў футболе ў Бразіліі адбудуцца тры матчы.
З 12 чэрвеня па 13 ліпеня ў Бразіліі праходзіць 20-ы чэмпіянат свету ў футболе, у якім прымаюць удзел 32 зборныя.
Удзельнікі чэмпіянату свету падзеленыя на восем груп па чатыры каманды. Пасля аднакругавога турніру дзве лепшыя каманды з кожнай групы выходзяць у 1/8 фіналу, піша БелаПАН.
Цырымонія адкрыцця і першы матч прайшлі ў Сан-Паўлу на «Арэна Карынціянс». Фінал прыме стадыён «Маракана» ў Рыа-дэ-Жанейра.
Сёння адбудуцца матчы Аргенціна - Іран (19:00), Германія - Гана (22:00), Нігерыя - Боснія і Герцагавіна (01:00).
Усе матчы ЧС-2014 будуць паказаныя ў жывым эфіры на каналах Белтэлерадыёкампаніі - «Беларусь 1», «Беларусь 2» і «Беларусь 5».
Інфаграфіка: БелаПАН