Скандал з праслухоўваннем у Польшчы: апублікаваная размова Сікорскага
7- 23.06.2014, 9:54
- 15,761
Польскія СМІ апублікавалі новыя аўдыёзапісы перамоваў высокапастаўленых чыноўнікаў.
Міністр замежных спраў Польшчы Радаслаў Сікорскі назваў стасункі краіны з ЗША бескарыснымі і нават шкоднымі, бо яны ствараюць у палякаў "непраўдзівае пачуццё бяспекі" і вядуць да канфліктаў з еўрапейскімі партнёрамі. Пра гэта сведчыць магчымы аўдыёзапіс размовы з удзелам кіраўніка МЗС, урыўкі з якой былі апублікаваныя ў нядзелю ў польскім часопісе Wprost, піша Інтэрфакс.
"Ведаеш, польска-амэрыканскі хаўрус не варты нічога. Ён нават шкодны, бо стварае ілжывае пачуццё бяспекі. Гэта поўнае глупства. Мы канфліктуем з немцамі, з Расеяй, і думаем, што ўсё добра, бо мы падлабуньваемся да амерыканцаў. Недалугі. Поўныя недалугі", - цытуе выданне словы Сікорскага.
Акрамя таго, Сікорскі кажа пра тое, што праблемай для палякаў з'яўляецца нізкая самаацэнка.