Падаткавікі затрымалі ў Гомелі расейскі КамАЗ з гарэлкай

Супрацоўнікі падатковай інспекцыі і АБЭЗ Савецкага раёна Гомеля спынілі фуру з расейскімі нумарамі.

Унутры грузавіка знаходзілася цыбуля, а пад ёй было схавана 12820 бутэлек спіртных напояў на суму 0,9 мільярда рублёў, піша onliner.by.

Кіроўца суправаджальныя дакументы на груз, што перавозіцца не падаў. Цяпер змесціва фуры арыштаванае, праводзяцца дадатковыя праверачныя мерапрыемствы.