The New York Times: Пуцін на вузкай сцежцы паміж супярэчлівымі мэтамі

Мір ва Украіне наступіць не хутка, мяркуюць аналітыкі і дыпламаты.

Прэзідэнт Расеі ў нядзелю адначасова падтрымаў мірны план Пятра Парашэнкі і адчытаў Кіеў за няўпэўненае спыненне агню. Такім чынам, стала выразна відаць, што ў палітыцы ў дачыненні да Украіны Расея займаецца эквілібрыстыкай, піша The New York Times (пераклад — The New Times).

Паводле ацэнак чыноўнікаў, аналітыкаў і дыпламатаў, Пуцін апынуўся на вузкай сцежцы паміж супярэчлівымі мэтамі. "Ягоная галоўная мэта – захаваць максімальна, наколькі гэта магчыма, уплыў Расеі на будучую Украіну, баронячы мэту сепаратыстаў - значную ступень аўтаноміі. Гэтая аўтаномія пакіне паўднёвы усход на арбіце, якая бліжэйшая да Масквы, чым да Кіева, так што цэнтральны ўрад Украіны будзе слабым", - гаворыцца ў артыкуле.

"Кожны ківок на ўдзел вайскоўцаў ці нават дачыненне да дэстабілізацыі абласцей можа справакаваць значна больш жорсткія заходнія санкцыі", - тлумачыць газета. Чакаецца, што такія санкцыі будуць абмяркоўвацца ў Брусэлі на гэтым тыдні.

"Пуцін імкнецца дагадзіць адразу некалькім узаемна антаганістычным электаратам, - гаворыцца ў артыкуле. - Значная частка ягонай расейскай аўдыторыі, якую дзяржаўная тэлевізія месяцамі корміць апантанымі матэрыяламі ў стылі "Украіна ў агні", ухваляе неабходнасць цвёрдай рукі Расеі".

Пуцін выкарыстаў абедзве "сцежкі" сваёй падвойнай палітыкі ў мінулыя выхадныя: у суботу Пуцін прывёў войска ў стан баявой гатоўнасці і абвясціў аб раптоўных вучэннях з удзелам блізу 65 тысяч вайскоўцаў. Але ў суботу ён таксама распаўсюдзіў заяву ў падтрымку мірнага плана і нават заклікаў абодва бакі спыніць ваяваць. Аднак тут жа Пуцін раскрытыкаваў прадаўжэнне вайсковых аперацый Украіны насуперак аднабаковаму спыненню агню, абвешчанаму Кіевам, адзначае выданне.

Аналітыкі прагназуюць, што баі могуць зацягнуцца. "Некаторыя аналітыкі кажуць, што ў Масквы дастаткова часу на тое, каб адначасова заклікаць да міру і забяспечваць паўстанцаў, пакуль Масква не атрымае Украіну, над якой усё яшчэ зможа панаваць", - гаворыцца ў артыкуле.

"Іх сярэднетэрміновая мэта - захоўваць стан "пухіра"; баевікі - іх сродак для дасягнення мэты, - кажа Кліф Капчэн (Вашынгтон). - Не думаю, што супакаенне наступіць неўзабаве".

Учора прэзідэнт Расеі Уладзімір Пуцін заявіў, што уважае за важнае, каб на базе замірэння ва Украіне, прапанаванага прэзідэнтам Пятром Парашэнкам паўстаў дыялог паміж усімі сторанамі канфлікту і ўсе баявыя дзеянні былі спыненыя.

"Важна, каб на базе замірэння паўстаў дыялог паміж усімі супрацьлеглымі сторанамі, з тым каб знайсці прымальны для ўсіх кампраміс, з тым каб людзі, якія пражываюць на паўднёвым усходзе Украіны, безумоўна, адчувалі, што яны з'яўляюцца неад'емнай часткай гэтай краіны, што яны валодаюць усімі правамі грамадзян дзяржавы і гэтыя правы, у тым ліку, гарантаваныя асноўным законам краіны - Канстытуцыяй ", - сказаў Пуцін пасля ўскладання вянка да Вечнага агню ля Магілы Невядомага салдата.

Ён таксама адзначыў, што трэба пачаць прадметны і змястоўны дыялог