Чаму здарыўся карткавы калапс у крамах і банкаматах?
5- 23.06.2014, 15:37
- 21,173
Паводле падлікаў спецыялістаў, не праходзіла кожная пятая аперацыя праз картку.
- Гэтая непрацаздольнасць выяўлялася ў адмове ў апрацоўцы блізу 20% аўтарызацыйных запытаў. Прычынай частковай непрацаздольнасці быў збой у працы праграмнага забеспячэння - распавяла «Комсомольской правде в Беларуси» намесніца генеральнага дырэктара эканомікі і фінансаў ААТ «Банкаўскі працэсінгавы цэнтр» Ірына Храмовіч.
- Можа, сістэма не вытрымала пятнічнага ажыятажу, калі ўсе напярэдадні выходных наважылі зняць грошы?
- Гэта проста супадзенне, што ўсё адбылося ў пятніцу ў канцы працоўнага дня.
- Чаму я магла зняць грошы праз картку ў банкамаце, але гэтай жа карткай не магла расплаціцца на касе ў краме?
- Гэта і была частковая працаздольнасць сістэмы. Адмова ў абслугоўванні была не ва ўсіх тэрміналах і банкаматах адначасова, напрыклад з пяці аўтарызацыйных запытаў адхіляўся толькі адзін. Калі вашую картку не абслужылі ў гэты момант, гэта не азначала, што астатнія пакупнікі крамы ў гэты ж момант не маглі здзяйсняць плацяжы праз банкаўскія карткі або здымаць гатоўку ў банкамаце.