The Wall Street Journal: ЕЗ гатовы ўвесці сектаральныя санкцыі супраць РФ

Новы пакет санкцыяў ЕЗу дачыненні да Расеі з'яўляецца «астатнім сродкам».

Пра гэта заявіў у панядзелак міністр замежных спраў Літвы Лінас Лінкявічус.

Еўрапейскі звяз гатовы павялічыць ціск на Расею шляхам новых санкцый, калі Масква не скарыстаецца магчымасцю, прадстаўленай у рамках украінскага плана аб спыненні агню, заявілі ў панядзелак еўрапейскія міністры замежных спраў, піша The Wall Street Journal (пераклад - «Корреспондент»).

Кіраўнікі ўрадаў краін-чальцоў ЕЗ сустрэнуцца ў канцы гэтага тыдня на саміце, дзе прымуць пастанову аб тым, ці павінен звяз павялічыць эканамічны ціск на Расею.

На мінулым тыдні прэзідэнт Украіны Пётр Парашэнка абвясціў аб аднабаковым спыненні агню цягам тыдня і пашыраным плане мірнага ўрэгулявання крызісу на ўсходзе Украіны, нагадвае выданне. «Гэты крок быў ухвалены Расеяй, але атрымаў мала пацверджанняў аб спыненні агню з боку сепаратысцкіх груп. Паводле звестак NATO, у апошнія дні Расtя таксама вярнула свае войскі да ўкраінскай мяжы», - піша газета.

«Цяпер для ўсіх ва ўсходняй Украіне існуе магчымасць, калі яны падтрымліваюць план, прапанаваны прэзідэнтам Парашэнкам, - цытуе выданне міністра замежных спраў Вялікабрытаніі Уільяма Хейга. - А калі гэтага не адбудзецца, Еўрапейскі звяз будзе мець права рабіць далейшыя захады, далейшыя санкцыі ў дачыненні да Расеі. Гэтыя захады гатовыя... так што мы цяпер паглядзім, як Расея падтрымае мірны план».

Нягледзячы на «шматлікія заявы аб адводзе войскаў ад мяжы, аб бяспецы мяжы, пра гатоўнасць размаўляць» з Кіевам, Расея зрабіла недастаткова, мяркуе міністр замежных спраў Літвы Лінас Лінкявічус. Паводле ягоных слоў, далейшыя санкцыі ЕЗ у дачыненні да Расеі з'яўляюцца «астатнім сродкам... але іх, адназначна, нельга здымаць касаваць».

Гэты пункт гледжання падзяляе і кіраўнік МЗС Швецыі Карл Більт, які, праўда, пакуль не ведае, на чым спыняцца кіраўнікі ўрадаў падчас пятнічнага саміту.

ЕЗ неаднаразова заяўляў пра гатоўнасць увесці сектаральныя эканамічныя санкцыі ў дачыненні да Расеі ў выпадку пагаршэння сітуацыі ва Украіне. Тым не менш, усярэдзіне звязу існуюць рознагалоссі што да таго, што павінна выклікаць гэты крок, у той час як многія ўрады не хочуць рызыкаваць буйным эканамічным канфліктам з Масквой.

Брусэль распрацоўваў план магчымага ўвядзення сектаральных санкцый супраць Расеі цягам некалькіх месяцаў з 28 урадамі. Але многія з іх вельмі неахвотна адгукаюцца на прапанову аб увядзенні новых захадаў, якія, у сваю чаргу, маглі б негатыўным чынам адбіцца на эканоміцы іх краін, адзначае выданне.

Нагадаем, раней памочнік дзяржсакратара ЗША Вікторыя Нуланд заявіла, што ЗША актыўна кантактуюць з еўрапейскімі хаўруснікамі ў пытанні выпрацоўкі новых санкцыяў у дачыненні да Расеі. У той жа час, міністр замежных спраў Нідэрландаў Франс Тымерманс заявіў, што на сёння трэцяя фаза санкцый у дачыненні да Расеі яшчэ не на парадку дня.