Гульня, у якой спяваюць па-нямецку Beatles выклікала скандал у Вялікабрытаніі

У Вялікабрытаніі паказала рэкорды продажаў і выклікала абурэнне новая відэагульня пад назвай Wolfenstein: The New Order.

У ёй гурту The Beatles даводзіцца спяваць на нямецкай мове для задавальнення Адольфа Гітлера. Легендарная чацвёрка называецца тут Die Käfer («жукі» па-нямецку), а, напрыклад, загаловак яе хіта Yellow Submarine пераўвасобіўся ў Das Blaue U-Boot. Асобныя прадстаўнікі Брытанскага парламента ўжо назвалі гульню «надзвычай абразлівай», піша The Mirror.

«Вольфенштайн: Новы парадак» - дзявятая гульня з серыі Wolfenstein ў жанры шутэра ад першай асобы, дзе падзеі разгортваюцца ў альтэрнатыўным сусвеце, у якім Трэці рэйх змог перамагчы Другую сусветную вайну. Гульня, распрацаваная шведскай кампаніяй MachineGames, была выдадзена амерыканскай кампаніяй Bethesda Softworks 20 траўня сёлета на платформах ПК, PlayStation 3, PlayStation 4, Xbox 360 і Xbox One, піша NEWSru.com.

Як піша брытанскае выданне, згодна з сюжэтам гульні ўдзельнікі «Бітлз» сутыкаюцца з выбарам: спяваць на нямецкай або быць забароненымі і сесці ў турму. Чацвёрка разважвае адаптавацца да ўмоў нацысцкага рэжыму і пераходзіць на нямецкую.

Скандальная гульня стала бэстсэлерам у Вялікабрытаніі, у першы ж тыдзень узначаліўшы мясцовыя чаты - на Туманны Альбіён прыходзіцца чвэрць яе сусветных продажаў. Рэкламны постэр гульні, які з'явіўся яшчэ ў мінулым годзе, парадуе знакаміты вобраз музыкантаў з вокладкі альбома Abbey Road - замест бітлоў па зебры ідуць нацысты.

«The Beatles і іх музыка - гэта крыніца суцяшэння і натхнення для мільёнаў людзей ва ўсім свеце. Злучаць гурт і ягоную спадчыну з нацыстамі - надзвычай абразліва, - мяркуе сябра Лейбарысцкай партыі Стыў Ратарэм. - Гітлер і яго філасофія зла не павінны выкарыстоўвацца для атрымання рэкордных прыбыткаў, і, само сабой, гэта не павінна асацыявацца з самымі вядомымі сынамі Ліверпуля».

Аднак кампанія-вытворца мяркуе выкарыстанне ў гульні вобразу «Бітлз» апраўданым: «Для нас было вельмі важным стварыць праўдападобную гукавую дарожку для Wolfenstein. Мы хацелі ўхапіць настрой альтэрнатыўнага сусвету, у якім нацысты выйгралі Другую сусветную вайну», - кажа віцэ-прэзідэнт Bethesda Softworks па PR і маркетынгу Піт Гайнс.

MachineGames таксама хацелі выкарыстоўваць у гукавой дарожцы хіт Nowhere to Run амерыканскага соўл-гурта Martha and the Vandellas, але ўладальнікі песні забаранілі асацыяваць яе з нацысцкімі вобразамі.

Apple Records, гуказапісвальная кампанія The Beatles, адмовілася ад якіх-небудзь каментараў.

Адзначым, што гульня Wolfenstein прысвечаная ўсё ж такі не перамозе нацызму, а барацьбе з ім герояў супраціву.

А гэта «нацысцкая» версія народнай амерыканскай песні The House of the Rising Sun.