Нідэрланды абыгралі Чылі і выйшлі ў плэй-оф

Зборная Нідэрландаў перамагла Чылі ў матчы групавога этапу чэмпіянату свету ў Бразіліі.

Гульня скончылася з лікам 2:0. Гэты вынік дазволіў падапечным Луі ван Галя заняць у групе B першае месца і, хутчэй за ўсё, пазбегнуць сустрэчы ў 1/8 фіналу з гаспадарамі чэмпіянату бразільцамі, піша Lenta.ru.

Першы тайм прайшоў без небяспечных момантаў. Каманды дзейнічалі вельмі асцярожна, баючыся прапусціць. У другім тайме зборная Чылі пачала гуляць больш актыўна, так як нічыя задавальняла галандцаў. У выніку вырашальную ролю адыгралі дзве замены Луі ван Галя: на 77-й хвіліне на падачу Дарыла Янмата адгукнуўся Лерой Фер, які толькі што ўступіў у гульню. А на другой дададзенай хвіліне канчатковы лік матчу ўстанавіў Мэмфіс Дэпай, які здолеў замкнуць прастрэл Ар’ена Робэна.

Такім чынам, галандцы занялі першае месца ў групе B, чылійцы сталі другімі. Абедзве каманды будуць чакаць сваіх спаборнікаў ў 1/8 фіналу з групы А. У гэтым квартэце шанцы на выхад з групы маюць усе каманды, акрамя Камеруна. Акрамя афрыканскай каманды, у групе А выступаюць Бразілія, Мексіка і Харватыя.

Фота: AP Photo/Felipe Dana