З клінікі ў Грэноблі выкралі гісторыю хваробы Шумахера
2- 24.06.2014, 9:35
- 5,700
Невядомыя выкралі гісторыю хваробы Міхаэля Шумахера.
Сяміразовы чэмпіён свету ў аўтагонках «Формула-1» праходзіў там лячэнне да таго, як яго перавялі ў клініку Лазаны. Аб здарэнні паведаміла інтэрнэт-выданне Bild Online.
Паводле звестак выдання, некаторым СМІ нямеччыны, Вялікабрытаніі і Францыі прапанавалі набыць дакументы прыкладна за 60 000 швайцарскіх франкаў (амаль 50 000 еўра). Мэнэджарка гоншчыка Сабіна Кэм сказала, што такая прапанова выклікае «жах і агіду» і заклікала СМІ адмовіцца ад публікацыі дакументаў, піша БелаПАН.
На мінулым тыдні мэнэджарка гоншчыка паведаміла, што Міхаэль Шумахер больш не знаходзіцца ў стане комы і перавезены для праходжання рэабілітацыі ў клініку ў Лазане.