Вікторыя Азаранка: Шчаслівая, што зноў магу займацца любімай справай

Дзявятая ракетка свету, беларуска Вікторыя Азаранка, якая з перамогі стартавала на Уімблдоне, пракаментавала свой поспех.

«Шчаслівая, што зноў магу займацца любімай справай. Вы не ўяўляеце сабе, якія эмоцыі я адчувала, гуляючы без болю. Цяпер мне неабходна пастарацца вярнуць сабе ранейшы ўзровень, хоць разумею, што для гэтага патрабуецца час і добрая практыка. Галоўнае, што ў мяне ёсць жаданне, без якога ўсе гэта было б немагчымым», - прыводзіць словы Азаранка gotennis.ru.

Нагадаем, што ў наступным матчы Азаранка пазмагаецца з Баянай Ёваноўскі, якая абгуляла ў двух сэтах шведку Ёхану Ларсан.