Шасцігадовы заўзятар падаў заяўку на пасаду трэнера «Сэлтыка»

З сыходам Нэйла Ленана па заканчэнні мінулага сэзону пасада трэнера шатландскага «Сэлтыка» заставалася вакантнай.

Карыстаючыся момантам, шасцігадовы фанат клуба Эйдэн Хэдрыдж прыняў сябе за прыдатную кандыдатуру на гэтую пасаду і адправіў заяву ў «Сэлтык», піша sports.ru.

Замест таго, каб проста ігнараваць такую заяву ад дзіцяці, прэзідэнт клуба Пітэр Лоўэл напісаў кранальны адказ заўзятару.

«Дарагі Эйдэн, дзякую за твой ліст, а таксама за тое, што вымеркаваў час, каб напісаць мне. Я з задавальненнем атрымаў твой ліст.

Як ты ведаеш, мы ўжо прызначылі Роні Дэйла новым трэнерам каманды. На маю думку, Роні валодае веданнем, энтузіязмам і ўпэўненасцю, што патрэбна для развіцця нашага клуба і дасягнення далейшых поспехаў. Я вельмі ўсхваляваны гэтай новай вяхой у гісторыі клуба і ўпэўнены, што ты і твая сям'я таксама.

Я быў рады даведацца пра тое, што ты выказаў жаданне стаць трэнерам «Сэлтыка», і, можа быць, аднойчы так і будзе. Між тым, я спадзяюся, што ты падабаеш школу і з нецярплівасцю чакаеш летніх вакацый.

Яшчэ раз дзякую за тое, што вымеркаваў час напісаць нам. Да ліста я дадаў маленькі падарунак, які, спадзяюся, табе спадабаецца. З найлепшымі зычэннямі, Пітэр Лоўэл, прэзідэнт», - значыцца ў лісце.

У якасці падарунка ён адправіў футболку «Сэлтыка».

У сваю чаргу такая рэакцыя кіраўніцтва клуба сталася сюрпрызам нават для шасцігадовага будучага трэнера «Сэлтыка»:

«Я быў вельмі здзіўлены, я спачатку нават не верыў словам маёй мамы. Я быў у школе, калі паштар прынёс нам ліст. Я ўбачыў яго толькі пасля школы, а потым да нас прыйшлі фатографы і журналісты, гэта ўсё было неверагодна. Я быў вельмі, вельмі ўсхваляваны адказам ад Пітэра, бо ён першы чалавек клуба. Я быў такі шчаслівы, што атрымаў адказ з «Сэлтыка». Гэта самае лепшае, што калі-небудзь здаралася са мной. Я люблю «Сэлтык».

Зрэшты, Эйдэн не хаваў і невялікага расчаравання: «Так, было крыху прыкра, што я не атрымаў працу. Тым не менш мне б хацелася стаць такім трэнерам, як Джок Стын. Мая мама кажа, што ён быў найлепшым».