«Белінвестбанк» атрымае сіндыкаваны крэдыт на $85 мільёнаў

ЕАБР узяў удзел у арганізацыі сіндыкаванага крэдыту Белінвестбанку.

Еўразійскі банк развіцця (ЕАБР) падпісаў дамову пра свой удзел у якасці ўпаўнаважанага вядучага арганізатара ў сіндыкаваным крэдыце для ААТ «Беларускі банк развіцця і рэканструкцыі «Белінвестбанк»на агульную суму 85 млн даляраў ЗША», паведамілі сайту charter97.org.

Разам з ЕАБР удзел у арганізацыі сіндыкаванага фінансавання Белінвестбанка прынялі ЗАТ АКБ «Новікамбанк» (першапачатковы ўпаўнаважаны вядучы арганізатар), ААТ «Альфа-Банк», Банк «Глобэкс», ААТ «МДМ Банк», ААТ «Маскоўскі Крэдытны банк», ААТ Банк Зеніт і BaltikumsBank AS.

«Сродкі, выдзеленыя ЕАБР, будуць накіраваныя на фінансаванне экспартна-імпартных гандлёвых аперацый паміж Рэспублікай Беларусь і Расейскай Федэрацыяй.

Белінвестбанк стаў шостым беларускім банкам, які атрымаў мэтавае фінансаванне ад ЕАБР. Паводле сумы фінансавання фінансавы сектар Беларусі займае першае месца сярод усіх дзяржаў-удзельніц Банка ў партфелі банкаўскага крэдытавання ЕАБР», - гаворыцца ў паведамленні ЕАБР.

Банк супрацоўнічае з банкамі Рэспублікі Беларусь з 2010 года і за гэты час прафінансаваў экспартна-імпартныя аперацыі і праекты суб'ектаў малога і сярэдняга бізнэсу кліентаў беларускіх банкаў на суму звыш 180 млн даляраў ЗША.