Каралева Вялікабрытаніі не адважылася сесці на трон з «Гульні прастолаў»

Каралева Лізавета II з мужам падчас візіту ў Белфаст наведала здымачную пляцоўку серыяла.

Каралева і прынц Філіп змаглі паглядзець на «жалезны трон», на якім сядзелі ў «Гульні прастолаў» кіраўнікі каралеўства Вастэрас. Садзіцца на бутафорскі пасад каралева не стала, паведамляе BBC.

Здымачная група перадала ёй паменшаную копію «жалезнага трона» у якасці сувеніра.

Падчас візіту на студыю Лізавета II і прынц Філіп таксама сустрэліся з акторамі, што гралі ў «Гульні прастолаў», у тым ліку з Лэнай Хэдзі (Сарсэя Ланістэр), Мэйс Уільямс (Ар'ян Старк) і Кітам Харынгтанам (Джон Сноў).

Каралеўскай пары распавялі пра гісторыю серыяла і пра тое, які ўплыў ён аказаў не толькі на рынак працы ў Паўночнай Ірландыі, але і на культурнае жыццё краіны. Паўночная Ірландыя атрымала беспасярэдні прыбытак ад здымак «Гульні прастолаў» у суме прыкладна 65 мільёнаў фунтаў за першыя тры сезоны серыяла.

Каралева і прынц Філіп знаходзяцца ў Белфасце з трохдзённым візітам. Перад тым, як агледзець здымачную пляцоўку «Гульні прастолаў», яны наведалі былую турму Крамлін-роўд на поўначы Белфаста.