Праз парад на праспекце Машэрава дэмантавалі святлафоры
10- 25.06.2014, 9:24
- 9,922
Святлафоры былі дэмантаваныя на скрыжаванні вуліцы Ціміразева і праспекта Машэрава.
Пра гэта паведаміў чытач сайта charter97.org.
«23 чэрвеня на скрыжаванні вуліцы Ціміразева і праспекта Машэрава дэмантавалі святлафоры, што стаялі на «астраўку бяспекі» пешаходнага перахода. Сёння (24 чэрвеня) пачалі знішчаць і сам астравок», - піша ён.
Чытач мяркуе, што святлафоры прыбралі праз падрыхтоўку да правядзення парада, які павінен прайсці 3 ліпеня.
«Гэта звязана мабыць з будучым парадам - тут праходзіць звычайна калона тэхнікі і робіць круты паварот. «Астравок» з бардзюрамі і святлафорамі пасярод вуліцы відавочна будзе перашкаджаць.
Рэч у тым што вуліцу Ціміразева рамантавалі восенню і скончылі толькі вясной - тады і былі зробленыя «астраўкі», выкладзены новы асфальт, святлафоры, разметка, агароджы», - піша ён.