Дзярждэп ЗША: Новыя санкцыі супраць Расеі ўжо гатовыя
3- 26.06.2014, 8:11
- 12,439
Улады ЗША ўжо падрыхтавалі дадатковыя санкцыі ў дачыненні да Расеі.
Абмежавальныя меры могуць быць хутка ўведзеныя ў дзеянне. Пра гэта заявіла прадстаўніца дзярждэпартамента Мары Харф, піша РІА «Новости».
«Дадатковыя санкцыі ў нас ёсць, яны гатовыя да ўвядзення. Мы прадаўжаем перамовы з Еўропай, і калі будзем гатовыя ў пэўны момант, мы зробім гэта. Яны (санкцыі) могуць быць уведзеныя вельмі хутка», - сказала Харф.
Паводле ейных слоў, Вашынгтон разглядае як станоўчы крок пастанову Масквы скасаваць дзеянне дазволу на выкарыстанне ўзброеных сіл ва Украіне, але чакае больш актыўных дзеянняў.