Парашэнка прапанаваў правесці выбары Рады ў кастрычніку
2- 26.06.2014, 15:06
- 4,400
Пастановы аб датэрміновых парламенцкіх выбарах прэзідэнт Украіны чакае ад самой Вярхоўнай Рады.
Пётр Парашэнка спадзяецца, што датэрміновыя выбары ў парламент адбудуцца ў кастрычніку гэтага года. Пра гэта ён паведаміў на сесіі Парламенцкай асамблеі ПАРЕ ў Страсбургу ў чацвер, 26 чэрвеня, піша Інтэрфакс-Украіна.
"Самы дэмакратычны шлях - гэта датэрміновыя парламенцкія выбары, якія я збіраюся абвясціць і спадзяюся, што яны пройдуць ужо ў кастрычніку гэтага года", - сказаў Парашэнка.
Пры гэтым, адказваючы на пытанне аб магчымай забароне дзейнасці Камуністычнай партыі Украіны, кіраўнік дзяржавы адзначыў, што выбары - лепшы спосаб выключэння партый з палітычнага жыцця краіны, які не выклікае кровапраліцця.
"Калі Кампартыя не атрымае падтрымкі сваіх прыхільнікаў, гэта па-мойму, лепшы спосаб зняць партыю з палітычнай арэны", - сказаў прэзідэнт Украіны.
Раней Парашэнка заяўляў, што чакае пастановы аб датэрміновых парламенцкіх выбарах ад самой Вярхоўнай Рады.