28 чэрвеня не будуць працаваць два КПП на мяжы з Украінай
3- 26.06.2014, 17:03
- 4,733
Праца пунктаў пропуску «Новыя Юркавічы» і «Весялоўка» у суботу зменіцца.
Пра гэта паведамілі ў прэс-службе Дзяржаўнага памежнага камітэта Беларусі.
«У гэты дзень у раёне стыку межаў Беларусі, Расеі і Украіны будзе праходзіць міжнародны моладзевы фестываль «Славянскае адзінства-2014». Таму ў некалькіх месцах часова прыпыняецца пропуск асоб і транспартных сродкаў», - гаворыцца ў паведамленні.
Мяжа будзе закрытая ў пунктах пропуску «Новыя Юркавічы» з 6.00 да 19.00 (паводле беларускага часу) і «Весялоўка» з 06.00 да 12.00.
Дзяржпамежкамітэт рэкамендуе грамадзянам, якія хочуць перасекчы мяжу ў гэты перыяд, скарыстацца пунктамі пропуску «Новая Гута» і «Камарын», а таксама памежнымі пераходамі на мазырскім кірунку - «Новая Рудня», «Аляксандраўка» і «Глушкевічы».