Заўтра ў Менску будзе не праехаць
6- 27.06.2014, 19:22
- 14,629
Праходжанне вайсковай тэхнікі для трэніроўкі да параду ўнясе 28 чэрвеня значныя абмежаванні ў руху транспарту на шэрагу менскіх вуліц і праспектаў.
Пра гэта БелТА паведамілі ў ДАІ горада Менска.
Так, у 16.30 закрываецца рух па вул. Заснавальнікаў і вул. Старынаўскай.
Механізаваная калона пачне рух у 17.30, у сувязі з гэтым закрываецца рух па праспекце Незалежнасці паэтапна згодна з прасоўваннем тэхнікі.
Затым ад праспекта Незалежнасці яна будзе рухацца па вуліцы Сурганава - вуліцы Куйбышава - вуліцы М. Багдановіча - да праспекта Машэрава. Таму будзе закрыты рух на праспекце Машэрава ад праспекта Незалежнасці да праспекта Пераможцаў.
А генеральная трэніроўка параду для святкавання Дня Незалежнасці і 70-годдзя вызвалення Беларусі ад нямецка-фашысцкіх захопнікаў пачнецца ў 21.30.
Для паўторнага праходжання баявыя машыны пройдуць па праспекце Машэрава - вуліцы Ціміразева - вуліцы Арлоўскай - плошчы Бангалор - вуліцы Куйбышава - праспекце Машэрава.
Вяртанне механізаванай калоны ў парк будзе праходзіць ад праспекта Машэрава па вуліцы Ціміразева - вуліцы Арлоўскай - плошчы Бангалор - вуліцы Сурганава - праспекце Незалежнасці - вуліцы Старынаўскай - у вайсковы гарадок Уручча.
Рух усіх відаў транспарту будзе перакрывацца ў абодвух напрамках падчас руху калоны, а таксама на час правядзення трэніроўкі.
Акрамя таго, будзе забароненая паркоўка ў абодва бакі праспекта Машэрава на ўчастку ад ракі Свіслач да вуліцы Куйбышава; мясцовага праезду гасцініцы «Планета» ад вуліцы Заслаўскай да дома № 27; на пляцоўцы каля дома №39 па праспекце Машэрава; па абодвум бакам вуліц Гвардзейскай, Тарханава, Грыбаедава, Ігнаценка, вуліцы Даўмана да скрыжавання з вуліцай В.Харужай; вуліцы Старажоўская да скрыжавання з вуліцай Заборскага.
Дзяржаўтаінспекцыя рэкамендуе кіроўцам і пасажырам грамадскага транспарту ўлічваць дадзеную інфармацыю і планаваць свой маршрут загадзя, а таксама не паркаваць транспартныя сродкі на названых участках. У адваротным выпадку аўтамабілі будуць эвакуяваныя.