У Вільні хочуць адмяніць Дні рускай культуры

Мэра Вільні Артураса Зуокаса заклікаюць адклікаць дазвол на правядзенне Дзён рускай культуры.

Член парламенцкай фракцыі кансерватараў Мантас Адаменас звярнуўся да мэра Вільні Артураса Зуокаса з просьбай адклікаць выдадзены дазвол на правядзенне Дзён рускай культуры 8 чэрвеня ў сталічным парку Вінгіс, піша ru.delfi.lt.

Адаменас сказаў, што ў кантэксце падзей ва Украіне святкаваць Дні рускай культуры, калі ва Усходняй Украіне менавіта навучаныя ў РФ баевікі разам з пераапранутых расейскімі вайскоўцамі спрабуюць раскалоць Украіну, было б ударам па рэпутацыі Літвы як дзяржавы, якая падтрымлівае свабодную і суверэнную Украіну.

"Як мы зможам паглядзець у вочы грамадзянам Украіны, якія змагаюцца за сваю свабоду, калі ў той час, калі ва Украіне льецца кроў яе змагароў за свабоду і мірных жыхароў, у сталіцы Літвы будуць святкаваць свята, якое падтрымліваецца рэжымам агрэсара, начыненае імперыялістычнымі і рэваншысцкімі сімваламі, якое фінансуецца Расеяй?" - пытаецца Адаменас.

Дэпутат лічыць, што гэтае свята павінна быць не паказальным фестывалем, які шчодра фінансуе амбасада Расеі і якім у рускай суполцы Літвы прывіваюць разлад і няслушнасць Літве. У адкрытым лісце сказана, што сапраўднае свята рускай культуры будзе тады, калі руская абшчына згуртуецца для таго, каб выказаць сваю салідарнасць з Украінай і асудзіць дзеянні злачыннага маскоўскага рэжыму супраць братняга славянскага народа.

"Паважаны мэр Вільні, у Вашых руках захаванне гонару Вільні. Заклікаю паступіць смела па-грамадзянску і адклікаць мерапрыемства Дні рускай культуры ў Вільні, а замест яго святкаваць салідарнасць з Украінай, у такі дзень усе грамадзяне Літвы - літоўска-, руска- або польскамоўныя - змогуць аб'яднацца ў сапраўднае свята свабоды і салідарнасці з братэрскім народам", - заклікае Адаменас.