У Смілавічах без вады засталіся 180 дамоў, школа і два дзіцячых садка

З-за воданапорнай вежы, якая ўпала ўчора, шматлікія будынкі засталіся без водазабеспячэння.

Частка жылых дамоў у пасёлку гарадскога тыпу Смілавічы Чэрвеньскага раёна Менскай вобласці, а таксама сярэдняя школа і два дзіцячыя садкі засталіся без водазабеспячэння з-за воданапорнай вежы, якая ўпала. Пра гэта БелТА паведамілі ў Міністэрстве па надзвычайных сітуацыях.

Надзвычайнае здарэнне адбылося ўвечары 2 чэрвеня. Упала воданапорная вежа 1970 года пабудовы, вышынёй больш за 20 м з металічным бакам наверсе. Падмурак вежы жалезабетонны, апорная канструкцыя з квадратных жалезабетонных кольцаў. Бак для вады ёмістасцю 50-60 куб.м. З 2013 года вежа знаходзіцца на балансе УП "Чэрвеньскага ЖКГ". Воданапорную вежу сілкавалі 2 свідравіны.

У выніку інцыдэнту без водазабеспячэння засталіся 10 трохпавярховых жылых дамоў, 170 прыватных жылых дамоў, інтэрнат каледжа і сама ўстанову адукацыі "Смілавіцкі дзяржаўны аграрны каледж", сярэдняя школа і два дзіцячыя садкі. Тэхнічнай вадой жыхароў будзе забяспечваць Чэрвеньскага ЖКГ. На суседніх з вежай вуліцах знаходзяцца водаразборныя калонкі пітнога водазабеспячэння. Сістэмай абвесткі жыхары, якія засталіся без водазабеспячэння, былі папярэджаныя аб часовым адключэнні і месцах знаходжання калонак з пітной вадой. Аддзел адукацыі Чэрвеньскага райвыканкама таксама паведаміў пра неабходнасць стварэння запасу пітной вады.

Рамонтна-аднаўленчыя работы праводзяцца брыгадай УП "Чэрвеньскага ЖКГ". Прычына падзення воданапорнай вежы пакуль устанаўліваецца. Усяго водазабеспячэнне жыхароў у г.п.Смілавічы забяспечваецца ад 5 воданапорных вежаў.

Фота: МНС