banner1 banner1 banner1

3.06.2014

Абама: Абарона Усходняй Еўропы - святы абавязак ЗША важная навіна фатаздымкі 10

12:05, — Палітыка

Абама: Абарона Усходняй Еўропы - святы абавязак ЗША

ЗША лічаць святым абавязкам абарону Усходняй Еўропы.

"Нашы абавязацельствы ў сферы бяспекі перад Польшчай і іншымі саюзнікамі ў Цэнтральнай і Усходняй Еўропе - краевугольны камень нашай уласнай бяспекі і таму святыя", - заявіў Барак Абама, які ў аўторак, 3 чэрвеня, прыбыў у Варшаву, у прысутнасці прэзідэнта Польшчы Браніслава Камароўскага.

Як перадае карэспандэнт УНІАН з Варшавы, амерыканскі прэзідэнт пачаў свой візіт з сустрэчы з польскімі і амерыканскімі пілотамі ваенных самалётаў F16 на сталічным аэрапорце "Шапэна" сумесна з прэзідэнтам Польшчы Браніславам Камароўскім, які сустрэў яго ў аэрапорце.

Згодна з праграмай візіту, пасля гэтага Абама плануе правесці перамовы з Камароўскім, кіраўніком урада Дональдам Тускам і сустрэнецца з прэзідэнтамі дзяржаў Цэнтральнай і Усходняй Еўропы, якія таксама прыбылі ў Польшчу для ўдзелу ў згаданых урачыстасцях.

Абама не будзе браць удзелу ў цырымоніі ўзнагароджання лідара крымскіх татараў Мустафы Джамілева "Узнагародай салідарнасці", якую Польшча заснавала з нагоды 25 гадавіны звяржэння камуністычнага рэжыму. На гэтым мерапрыемстве яго будзе прадстаўляць дзяржаўны сакратар ЗША Джон Кэры.

Увечары плануецца ўрачыстая вячэра з удзелам амерыканскага прэзідэнта.

Заўтра, 4 чэрвеня, Абама возьме ўдзел у асноўных мерапрыемствах з нагоды "25 гадавіны Свабоднай Польшчы", пачаткам якой сталі ўласна выбары 4 чэрвеня 1989 года.

Польшча стане першай краінай, якую наведае Абама ў рамках свайго еўрапейскага турнэ, у рамках якога запланаваныя таксама візіты ў Бельгію для ўдзелу ў саміце Вялікай Сямёркі і Францыі - для святкавання 70-годдзя высадкі саюзніцкіх войскаў у Нармандыі.

Сярод удзельнікаў гэтых урачыстых мерапрыемстваў будзе пераможца прэзідэнцкіх выбараў Пётр Парашэнка, які падчас свайго візіту ў Польшчу сустрэнецца, у прыватнасці, з Прэзідэнтам ЗША Баракам Абамай.

Дарадца Камароўскага Раман Кужняр сказаў, што тэма Украіны будзе адной з найважнейшых падчас размоў прэзідэнта Польшчы з Баракам Абамай і іншымі лідарамі, якія прыбылі на згаданыя ўрачыстасці.



Напісаць каментар (10)

Падзяліся!






Учора на сайце:

наведвальнікаў 324841
праглядаў 2109629

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: