Трэнерскі штаб ФК «Мінск» адпраўлены ў адстаўку
3- 3.06.2014, 13:00
- 6,063
Прычынай скасавання кантрактаў з трэнерскім штабам стала няўдалае выступленне каманды ў чэмпіянаце краіны.
Кіраўніцтвам "Мінска" прынятае рашэнне аб скасаванні кантрактаў з галоўным трэнерам каманды Андрэем Скарабагацькам, трэнерам па навукова-метадычнай рабоце Змітром Кляцовым і трэнерам брамнікаў Уладзімірам Рыжчэнкам, паведамляе афіцыйны сайт сталічнага клуба.
Выконваць абавязкі галоўнага трэнера будзе Андрэй Пышнік, які да гэтага працаваў галоўным трэнерам дублюючага складу "гараджан". У трэнерскім штабе па просьбе Андрэя Пышніка працягне працаваць Юрый Малееў.
Прычынай датэрміновага скасавання кантрактаў з трэнерскім штабам "Мінска" стала невыкананне задачы па выхадзе каманды ў фінал Кубка Беларусі і няўдалае выступленне каманды ў чэмпіянаце краіны, дзе ад апошняга месца сталічную каманду аддзяляе толькі два ачкі.