Мясніковіч не пагадзіўся з рэкамендацыямі МВФ

Беларускія ўлады не згодныя з рэкамендацыямі МВФ і Сусветнага банка стрымлівання інфляцыі ў краіне.

Пра гэта заявіў сёння прэм'ер-міністр Міхаіл Мясніковіч, піша "Інтэрфакс".

"Мы не падзяляем тыя падыходы, якія прапагандуе Міжнародны валютны фонд або Група Сусветнага банка, што для таго, каб здушыць інфляцыю, трэба "заціснуць" цягнік, не рабіць ніякіх інвестыцый і такім чынам ісці шляхам балансавання, - заявіў ён. - Мы мяркуе, што гэта шлях у нікуды. Такім чынам мы можам адстаць назаўсёды".

Такім чынам, Мясніковіч фактычна апраўдаўся за тое, што ўлады маюць намер выдаць 11 млн еўра ільготнага крэдыту на абсталяванне для далейшага будаўніцтва менскага метро.

"11 млн еўра прадугледжана выдаць праз Банк развіцця. Кантракт ужо падпісаны, і ў хуткім часе французская кампанія пачне пастаўку сучаснага абсталявання", - удакладніў Мясніковіч.

Акрамя таго, паводле ягоных слоў, у 2014 годзе "будзе выдадзена Br450 млрд для выканання будаўніча-мантажных работ у метро".