Ва Украіне пройдзе «кадравая зачыстка» сілавікоў
2- 30.06.2014, 21:57
- 16,418
Прэзідэнт Пётр Парашэнка на сустрэчы з пазафракцыйнымі народнымі дэпутатамі 30 чэрвеня анансаваў кадравыя змены ў сілавым блоку.
Пра гэта паведаміў нардэп Анатоль Грыцэнка.
З ягоных звестак, плануецца правесці тры кадравых пастановы: «замена начальніка Генштаба (гэта паўнамоцтвы прэзідэнта), унясенне ў Раду і прызначэнне міністра абароны і віцэ-прэм'ера, які будзе каардынаваць ва ўрадзе праваахоўную і абаронную сферы, перш за ўсё іх матэрыяльна-тэхнічнае забеспячэнне і лагістыку».
«Прозвішчы Парашэнка не назваў, толькі сказаў, што з кандыдатурамі сёння (30 чэрвеня) вызначыцца канчаткова», - дадаў Грыцэнка.
«Аб кіраўніках СБУ, МУС і Дзяржпамежслужбы размова не ішла, таму напэўна Налівайчанку, Авакава і Літвіну прэзідэнт плануе пакінуць на сваіх пасадах», - дадаў ён.