Пяць буйных гарадоў Данбаса з-за баевікоў засталіся без вады
2- 5.06.2014, 9:31
- 8,427
Падчас баёў быў пашкоджаны другі Данецкі вадавод.
У выніку пашкоджання вадаправода (дыяметрам 1400 мм) і паветранай электралініі ЛЭП-110 кВ , без цэнтральнага водазабеспячэння засталіся жыхары пяці гарадоў: Дружкоўка, Дзяржынск, Канстанцінаўка, Краматорск і Славянск, паведамляе Дзяржслужба Украіны па НС.
"У 13.00 у сераду побач с. Чэраўкоўка камунальнае прадпрыемства Гарводаканал і падраздзяленне ДСНС Украіны арганізавалі падвоз вады ў гарады Дружкоўка, Дзяржынск, Канстанцінаўка і Краматорск. У Славянск падвоз вады не ажыццяўляецца ў сувязі з актыўнымі дзеяннямі ўзброеных злачынных фармаванняў", - гаворыцца ў паведамленні.
5 чэрвеня электралінія была адноўленая. Аднаўленчыя работы камунальным прадпрыемствам "Вада Данбаса" пачнуцца пасля завяршэння актыўных баявых дзеянняў у раёне пашкоджанні вадаправода.