Віталь Коваль перайшоў у «Салават Юлаеў»

Уфімскі "Салават Юлаеў" падпісаў кантракт з беларускім брамнікам Віталём Ковалем.

Пагадненне разлічана на адзін год. Галкіпер пакінуў "Тарпеда" 4 чэрвеня, за які выступаў з 2011 года, піша "Прессбол".

У мінулым сезоне 34-гадовы вартаўнік брамы ў 24 гульнях рэгулярнага чэмпіянату КХЛ прапускаў у сярэднім 2,32 шайбы за паядынак і адбіў 91,1 адсотка кідкоў. Коваль таксама сыграў у чатырох матчах за нацыянальную каманду ў рамках менскага чэмпіянату свету-2014 (2,72 і 89,3).