Аланд і Кэмеран паразмаўляюць з Пуціным пра Украіну

У Францыі адзначаюць гадавіну высадкі саюзнікаў.

З-за нежадання прэзідэнта ЗША сустракацца з расейскім лідарам прэзідэнту Францыі Франсуа Аланду прыйдзецца ў чацвер павячэраць двойчы. Акрамя Аланда, Уладзіміру Пуціну будуць гутаркі аб Украіне ў чацвер у Парыжы з брытанскім прэм'ерам Дэвідам Кэмеранам і ў пятніцу ў Нармандыі - з канцлерам Германіі Ангелай Меркель, перадае BBC.

"Французскім афіцыйным асобам давялося папрацаваць, каб па просьбе Вашынгтона развесці маршруты прэзідэнта ЗША Барка Абамы і Пуціна ў Парыжы, перад святкаваннем у пятніцу 70-годдзя высадкі саюзнікаў у Нармандыі ў Другой сусветнай вайне", - паведамляе агенцтва Reuters.

Зрэшты, у Парыжы ў чацвер сустракаюцца міністр замежных спраў Расеі і дзяржсакратар ЗША.

Прадказваючы тэмы размовы Пуціна з Аландам, прэс-служба расейскага прэзідэнта падрабязна пералічыла сферы супрацоўніцтва дзвюх краін, і толькі ў самым канцы спісу змясціла Украіну разам з Сірыяй і Лівіяй. Па аднадушным меркаванні ўсіх астатніх крыніц, украінскі канфлікт усё ж такі будзе галоўнай тэмай.

Згодна з раскладам сустрэч, Аланд увечары ў Елісейскім палацы прыме каралеву Вялікабрытаніі, затым памчыцца ў рэстаран на Елісейскія палі павячэраць з Абамам, а адтуль вернецца ў прэзідэнцкі палац, каб павячэраць з Пуціным.

Франсуа Аланд спадзяецца таксама звесці Пуціна і выбранага прэзідэнта Украіны Пятра Парашэнку, якога ён таксама запрасіў на святкаванні ў Нармандыю.

Поціск рукі Пуціна і Парашэнкі

"На коне - Украіна, яе стабільнасць і бяспека. Францыя прымае гасцей з усяго свету 5 і 6 чэрвеня, і гэта - асаблівая адказнасць", - сказаў Аланд журналістам.

Рэйтэр са спасылкай на французскіх дыпламатаў піша, што Аланд хацеў бы, каб Пуцін і Парашэнка па меншай меры паціснулі рукі на закрытым абедзе кіраўнікоў дзяржаў і ўрадаў у пятніцу ў нармандскім замку Бенувіль. Гэта стала б знакам, што Пуцін прызнае Парашэнку законным кіраўніком украінскай дзяржавы.

У чацвер Масква зрабіла адзін характэрны жэст у бок Парашэнкі: намеснік міністра замежных спраў Рыгор Карасін абвясціў, што амбасадар Міхаіл Зурабаў, адкліканы адразу пасля перамогі Майдана, вяртаецца ў Кіеў і возьме ўдзел у інаўгурацыі Парашэнкі 7 чэрвеня.

Напярэдадні лідары краін "Вялікай сямёркі" на саміце ў Брусэлі заявілі, што гатовыя накласці новыя санкцыі на Расею з-за яе дзеянняў на Украіне. У сумеснай заяве лідары G7 асудзілі Расею за "парушэнні" суверэнітэту Украіны, якія працягваюцца.

Гэта была першая сустрэча лідараў сямі вядучых індустрыяльных краін пасля таго, як яны адмовіліся ад фармату G8 з удзелам Расеі з-за анэксіі Крыма. Саміт "васьмёркі" павінен быць прайсці ў гэтыя дні ў Сочы.

"Мы гатовыя актывізаваць адрасныя санкцыі і разгледзець дадатковыя абмежавальныя меры супраць Расеі, калі таго запатрабуе сітуацыя"

Магчымасць новых санкцый

Канцлер Германіі Ангела Меркель заявіла: "Мы не можам дазволіць сабе далейшую дэстабілізацыю Украіны".

"Мы ясна далі зразумець, што хочам працягнуць наш трохэтапны падыход - падтрымка Украіны ў эканамічных пытаннях, перамовы з Расеяй, а калі па гэтых пытаннях не будзе прагрэсу - тады застаецца магчымасць санкцый, больш жорсткіх санкцый", - сказала Меркель.

Раней прэзідэнт ЗША Барак Абама падчас візіту ў Польшчу заявіў, што асуджае "тактыку цёмных справунак" і "агрэсію" Расеі на ўсходзе Украіны. Паводле яго слоў, далейшыя правакацыі з боку Масквы будуць азначаць толькі працяг ізаляцыі.

Абама сустрэўся ў Польшчы з Пятром Парашэнкам і запэўніў яго, што ЗША настроеныя на доўгатэрміновае супрацоўніцтва з новай украінскай уладай.

Парашэнка, у сваю чаргу, заявіў, што неўзабаве пасля сваёй інаўгурацыі мае намер прадставіць план мірнага ўрэгулявання сітуацыі на ўсходзе Украіны.

У ходзе сустрэчы прэзідэнт ЗША і абраны прэзідэнт Украіны абмяркоўвалі зніжэнне энергазалежнасці Кіева ад Расеі, а таксама магчымы ўдзел ЗША ў падрыхтоўцы ўкраінскіх сіл бяспекі.