Танкі ў World of Tanks «навучаць» гуляць у футбол
14- 5.06.2014, 20:02
- 14,021
Распрацоўшчыкі World of Tanks пастанавілі ўвесці ў праект спецыяльны рэжым, прысвечаны чэмпіянату свету ў футболе ў Бразіліі.
Аб гэтым паведамляецца на афіцыйнай старонцы гульні ў сацыяльнай сетцы «Вконтакте».
У рамках новага гульнявога рэжыму карыстальнікі змогуць згуляць у футбол з дапамогай мадыфікаваных савецкіх сярэдніх танкаў Т-62А. Апрабаваць навінку можна будзе 12 чэрвеня, у дзень старту сусветнага футбольнага першынства, піша Lenta.ru.
Фінальная частка чэмпіянату свету ў футболе пройдзе з 12 чэрвеня да 13 ліпеня ў 12 гарадах Бразіліі. Беларусь, дзе нарадзіўся і развіваецца праект World of Tanks, на турніры не прадстаўлена.