Украінская авіяцыя знішчыла дзве базы тэрарыстаў пад Луганскам
18- 6.06.2014, 9:32
- 18,677
Базы баевікоў у Луганскай вобласці знішчаныя авіяўдарамі сіл антытэрарыстычнай аперацыі.
Пра гэта паведаміў у сваім акаўнце ў сацыяльнай сетцы «Фэйсбук» кіраўнік украінскага Цэнтра ваенна-палітычных даследаванняў Дзмітрый Тымчук.
«Паводле аператыўных дадзеных суполкі «Інфармацыйны Супраціў», мінулай ноччу ў зоне правядзення антытэрарыстычнай аперацыі авіяцыя сіл АТА правяла шэраг баявых вылетаў, - піша ён. - У выніку нанясення ўдараў з паветра знішчаныя 2 базы баевікоў у Луганскай вобласці».
Таксама ва ўзаемадзеянні з памежнікамі папярэджаная спроба прарыву праз дзяржмяжу на тэрыторыю Украіны з Расеі калоны баевікоў у складзе 10 грузавых аўтамабіляў і аднаго БТР.
«У выніку дзеянняў авіяцыі знішчаны БТР і 3 грузавіка з баевікамі (на адным з грузавікоў быў усталяваны буйнакаліберны кулямёт НСВ 12,7 «Уцёс»). Астатнія баевікі ў паніцы адступілі ад мяжы ў глыб тэрыторыі РФ», - заяўляе журналіст.