Расейскія СМІ «звольнілі» Джэніфер Псакі

Афіцыйны прадстаўнік Дзярждэпа ЗША Джэніфер Псакі абвергла інфармацыю аб сваім звальненні.

Пра гэта яна паведаміла на сваёй старонцы ў сетцы мікраблогаў «Твітэр».

«Нягледзячы на расейскую машыну прапаганды, якая прадугледжвае адваротнае, я ўсё яшчэ тут, як і моцная, дэмакратычная Украіна», - гаворыцца ў паведамленні, размешчаным пад тэгам «не верце Russia Today».

Напярэдадні ў расейскіх СМІ з'явіліся паведамленні аб звальненні Джэніфер Псакі. Здагадкі ў СМІ засноўваліся на тым, што брыфінгі дзярждэпартамента пачала весці яе намеснік Мары Харф.