Крымскі санаторый Упраўлення справамі Лукашэнкі застаўся без кліентаў

Пуцёўкі ў санаторый «Беларусь», размешчаны ў пасёлку гарадскога тыпу Карэіз на паўднёвым беразе Крыма, у Беларусі не рэалізуюцца.

«У Місхоры наш санаторый «Беларусь» прымаў на адпачынак дарослых і бацькоў з дзецьмі, і раней мы атрымлівалі да 300 пуцёвак у год у крымскую здраўніцу. У цяперашні час пуцёўкі адкліканыя на нявызначаны тэрмін да стабілізацыі становішча ва Украіне», - паведаміла падчас «прамой лініі» Алена Андрэйкава, начальнік прадстаўніцтва Віцебскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва, піша «Інтэрфакс».

Санаторый «Беларусь» - круглагадовая кліматычная здраўніца, якая належыць Упраўленню справамі Лукашэнкі.