«Тэтрыс» адзначае 30-годдзе (Відэа)

Гульня "Тэтрыс", створаная ў 1984 годзе савецкім праграмістам Аляксеем Пажытновым, адзначае ў гэтыя дні сваё 30-годдзе.

Брытанская газета The Telegraph апублікавала спецыяльны артыкул, прысвечаны самай вядомай кампутарнай гульні ў свеце, піша NEWSru.com.

Выданне нагадвае, што праграміст Аляксей Пажытноў стварыў "Тэтрыс", выкарыстоўваючы савецкі кампутар "Электроніка-60". Затым ён падзяліўся кодам гульні са знаёмымі, якія адаптавалі праграму для запуску на кампутары IBM. У выніку гульня вельмі хутка распаўсюдзілася па ўсім СССР і краінах Усходняй Еўропы, заваяваўшы немалую папулярнасць.

Праз два гады, у 1986 "Тэтрыс" упершыню трапіў на Захад праз Венгрыю, дзе мясцовыя праграмісты стварылі версію гульні для кампутараў Apple II і Commodore 64. Затым новую гульню заўважылі ў Вялікабрытаніі. Прадстаўнікі мясцовай IT-кампаніі беспаспяхова спрабавалі звязацца з Пажытновым для вырашэння пытанняў, якія тычацца аўтарскіх правоў. На працягу 1987 года на свет з'явілася мноства камерцыйных версій гульні, нягледзячы на тое, што сітуацыя з аўтарскімі правамі так і не вырашылася. Спробы дасягнуць кансенсусу з савецкім, а затым і расейскім бокам прадпрымаліся яшчэ некалькі гадоў.

Аўтар гульні так і не меў на яе замацаваных аўтарскіх правоў і не атрымліваў ніякіх грошай ад продажу копій "Тэтрыса" аж да 1996 года, калі з'явілася на свет кампанія Tetris, зарэгістраваная Пажытновым сумесна з выдаўцом гульняў з Вялікабрытаніі Хэнкам Роджэрсам. Кампанія пачала актыўна змагацца з клонамі "Тэтрыса", якія выходзілі пад іншымі назвамі. У тым жа годзе Пажытноў уладкаваўся на працу ў Microsoft, дзе працаваў аж да 2005 года.

Брытанскае выданне апублікавала таксама відэаролік, прысвечаны некаторым фактах з гісторыі гульні і яе ўнёску ў сусветную культуру.