Брэсцкі пенсіянер па п'яні паведаміў пра тэракт
4- 6.06.2014, 15:24
- 4,842
З-за паведамлення аб выбуховай прыладзе было эвакуявана 30 жыхароў дома.
Паводле слоў спецыяліста аддзялення інфармацыі і грамадскіх сувязяў УУС Брэсцкага аблвыканкама Аляксандры Захаравай, 5 чэрвеня ў 12.05 па невядомы патэлефанаваў на лінію 101. Ён паведаміў, што ў шматпавярховым жылым доме па вуліцы Суворава адбудзецца тэракт.
Сапёрна-піратэхнічная група выехала па паказаным адрасе і пасля эвакуацыі правяла праверку на наяўнасць бомбы. Выбуховых прылад спецыялісты ў паказаным доме не знайшлі, паведамляе БелаПАН.
Цяпер вядома, што ратавальнікам тэлефанаваў пенсіянер 1947 года нараджэння, які пражывае ў гэтым доме. Ён быў моцна п'яны і нават потым не змог растлумачыць прычыну свайго ўчынку.
Вырашаецца пытанне аб узбуджэнні ў дачыненні да мужчыны крымінальнай справы.