Новыя пратэсты ў Бразіліі: паліцыя ўжыла слёзацечны газ
- 9.06.2014, 15:09
- 4,709
Паліцыя найбуйнейшага горада Бразіліі Сан-Паулу ўжыла слёзацечны газ супраць дэманстрантаў.
Верталёты па-ранейшаму кружаць над горадам, перадае BBC.
Лідар мясцовых прафсаюзаў паведамляе, што 12 чалавек былі арыштаваныя. Гэтыя дадзеныя, аднак, не пацвярджае паліцыя.
Акцыі пратэсту былі звязаны з забастоўкай работнікаў метро, якія патрабуюць павышэння зарплаты. У нядзелю пратэстоўцы вырашылі працягнуць акцыю, нягледзячы на рашэнне суда. Губернатар Сан-Паулу прыгразіў звольніць тых, хто не вернецца на працоўныя месцы.
Ужо ў чацвер, 12 чэрвеня, горад павінен прыняць чэмпіянат свету па футболе.
Фота: Reuters