Мірны выйшаў у другі раўнд мікста на Уімблдонскім турніры

Пасля дня адпачынку на Уімблдонскім тэнісным турніры 30 чэрвеня працягнуліся матчы, перапыненыя праз дажджы яшчэ ў мінулую суботу.

У адной з адкладзеных сустрэч другога раўнда спаборніцтваў змешаных пар беларус Максім Мірны і кітаянка Хаа-Чынг Чан, якія атрымалі 14-ы нумар пасеву, гулялі з палякам Томашам Беднарэкам і амерыканкай Ваню Кінг, паведамляе БелТА.

У суботу апаненты паспелі правесці ўсяго 4 геймы і пры роўным ліку 2:2 сышлі з корта праз капрызы надвор'я. Пасля аднаўлення матчу поспеху дабіліся Мірны і Чан, якія перамаглі ў двух сэтах - 7:6 (7:5), 6:4.

Раней Максім Мірны ў дуэце з расейцам Міхаілам Южным саступіў у першым крузе мужчынскага парнага разраду аўстрыйска-бразільскаму тандэму Аляксандэр Пея/Бруна Суарэс - 6:4, 3:6, 6:3, 3:6, 2:6.

Да гэтага з жаночага адзіночнага разраду выбылі дзве беларускія тэнісісткі. Вікторыя Азаранка (9-ы нумар сусветнага рэйтынгу) у першым паядынку выйграла ў харвацкай тэнісісткі Мір'яны Лучыч-Бароні (108) - 6:3, 7:5, а затым саступіла сербцы Баяне Ёваноўскі - 03:06. 6:3, 05:07. Яшчэ адна беларуска Вольга Гаварцова (110) правяла толькі адзін матч, саступіўшы ў першым раўндзе гішпанцы Сільвіі Салеры-Эспінозэ (74) у двух сэтах - 2:6, 03:06.

Трэці ў гэтым сезоне турнір серыі «Вялікага шлема» завершыцца на травяных кортах Уімблдона 6 ліпеня.