Баевікі заявілі аб збітым самалёце ў Данецкай вобласці

Тэрарысты ДНР заявілі, што збілі самалёт сілавікоў у баі пад Снежным (на ўсходзе Данецкай вобласці).

Пра гэта паведамляе РІА «Новости».

«З раніцы пачаліся артылерыйскія ўдары па нашых пазіцыях пад Снежным. Таксама прыляцелі самалёты, пачалі запускаць па нас ракеты. Адзін з самалётаў атрымалася збіць з зенітнага кулямёта», - заявіла крыніца ў апалчэнні ДНР.

З боку кіеўскіх уладаў пацверджання гэтых звестак пакуль няма.

У ноч на 1 ліпеня прэзідэнт Украіны Пётр Парашэнка прыняў пастанову аб спыненні перамір'я паміж Кіевам і ўсходам.

Фота: EPA