У Менску адкрываюць «сцяжыну здароўя»

Урачыстае адкрыццё сцяжыны здароўя адбудзецца 2 ліпеня ў Менску.

Пра гэта паведамілі ў прэс-службе Менгарвыканкама.

Сцяжына здароўя абсталяваная па некалі пракладзеных людзьмі сцяжынах у яблыневым садзе - ад стадыёна сярэдняй школы №26 (вул.Л.Сапегі, 15) да зоны адпачынку "Вясёлы пчальнік". Агульная працягласць сцежкі здароўя - 500 м. Прызначаная яна для людзей, якія клапоцяцца пра сваё здароўе, а таксама для аматараў заняткаў спортам на свежым паветры. Ацаніць яе належным чынам змогуць і тыя, хто аддае перавагу тлумным гарадскім праспектам перад шпацырам у зялёных зонах.

Работнікі УП "Зелянбуд Маскоўскага раёна г.Менска" правялі тут добраўпарадкаванне. Акрамя бегавой дарожкі ў 500 м, на сцежцы здароўя маюцца трэнажоры для развіцця спрыту: "лабірынт", "нара", "бум". Устаноўленыя трэнажоры для практыкавання прэсу, абсталяваная пясочніца для скачкоў у даўжыню, забаўляльны трэнажор "купіны".

Для аматараў шпацыраў басанож аформілі так званую сцежку адчуванняў: прайшоўшы па ёй босымі нагамі, можна адчуць розную фактуру паверхняў прыродных матэрыялаў - пясок, друз, бутавы камень, драўляныя спілоўкі, бярвенні. Знойдзецца месца і для аматараў гульні ў мяч і бадмінтон - для іх абсталяваная спецыяльная пляцоўка. Улічаныя і інтарэсы падлеткаў - арганізаваная спецыяльная зона, абсталяваная металічнымі трэнажорамі "рукаход", "пярэчка", "сценка".

Ёсць на сцежцы здароўя і пляцоўка для аматараў эмацыйнага адпачынку, якія аддаюць перавагу мітусліваму рытму горада павольныя праходкі ў цені дрэў. Зацішны куток з цяністымі вербамі і 100-метровая сцежка для праходак дазволяць пабыць у гармоніі з прыродай.