З 16 ліпеня стаўка рэфінансавання зніжаецца да 20,5%
8- 12.07.2014, 12:09
- 7,127
Стаўка рэфінансавання ў Беларусі з 16 ліпеня зніжаецца з 21,5% да 20,5% гадавых.
Аб гэтым паведаміла сёння журналістам старшыня праўлення Нацыянальнага банка Надзея Ермакова, паведамляе БелТА.
Пастанова аб зніжэнні стаўкі рэфінансавання з 21,5% да 20,5% ужо прынятая праўленнем банка. З пачатку года гэта ўжо трэцяе зніжэнне, папярэднія былі ў красавіку і траўні. Тады стаўка таксама зніжалася на 1 адсотак.
У Бешанковіцкім раёне сёння праходзіць выязное пашыранае пасяджэння праўлення Нацыянальнага банка з удзелам прадстаўнікоў Віцебскага аблвыканкама, кіраўнікоў усіх банкаў рэгіёну і кіраўнікоў прадпрыемстваў вобласці.
Раней кіраўніца Нацбанка заяўляла, што да канца года стаўка рэфінансавання будзе зніжана да 18-20%.
«Мы пралічваем, што да канца года стаўка рэфінансавання будзе 18-20%. Дзесьці ў гэтых параметрах яна павінна быць, зыходзячы з разлікаў чаканай інфляцыі», - сказала кіраўніца Нацбанка 9 ліпеня.