Хуткасны цягнік сышоў з рэек у Балгарыі
- 12.07.2014, 18:34
- 7,259
Загінуў машыніст, 14 пасажыраў атрымалі траўмы рознай ступені цяжкасці.
Аварыя здарылася непадалёк ад горада Стара-Загора ў цэнтральнай частцы Балгарыі. Цягнік накіроўваўся са сталіцы краіны Сафіі ў горад Бургас. Паводле папярэдняй інфармацыі, з рэек сышло чатыры вагоны, піша БелТА.
Да месца здарэння адпраўленыя брыгады хуткай дапамогі, паліцыя і ратавальнікі. Пасажыры цягніка вывезены з месца аварыі.
Кіраўнік урада Балгарыі Пламен Арэшарскі даручыў віцэ-прэм'еру і міністру ўнутраных спраў Цветліну Ёўчаву ўзначаліць выратавальную аперацыю.
Пра прычыны таго, што адбылося пакуль не паведамляецца.