Парыжцы патрабуюць не узбройваць Расею дэсантнымі караблямі (Фота)
5- 14.07.2014, 15:36
- 9,902
Парыжцы выступаюць супраць продажу Францыяй Расеі універсальных дэсантных караблёў.
Прамінулая акцыя атрымала назву «Сусветны дзень анты-Mistral».
Агулам у акцыі ўзялі ўдзел блізу 50 прадстаўнікоў украінскай і крымскататарскай грамады, французаў і прадстаўнікоў іншых нацыянальнасцяў, якія жывуць у французскай сталіцы, піша facenews.ua.
Удзельнікі акцыі казалі пра магчымыя наступствы "ўгоды" і пагрозе для краін Чарнаморскага і Балтыйскага басэйнаў.
Акрамя таго, арганізатары акцыі зладзілі флэш-моб, у якім выкарыстоўвалі нацыянальную сімволіку Украіны і мадэлі «скрываўленых» караблёў «Mistral».
Нагадаем, французскія ўлады пасля ўвядзення ў траўні новых санкцый супраць РФ не скасавалі адпаведны кантракт на пастаўку «Mistral». Згодна з заявамі афіцыйных прадстаўнікоў улады, Францыя вымушаная выконваць раней прынятае пагадненне з Расеяй.