Белстат: За паўгода кошты выраслі, як за год

Нават паводле афіцыйных звестак рост коштаў апярэджвае планы ўладаў амаль у два разы.

Незразумела, на што разлічваў урад, плануючы інфляцыю ў 2014 годзе на 11% і адначасова значна большы рост коштаў на харчовыя тавары і паслугі. Паводле звестак Белстата, індэкс спажывецкіх коштаў за паўгода склаў 10,4%, піша «Інтэрфакс».

За паўгода рост коштаў менавіта прадуктаў і паслуг, якія рэгуляваліся і прадаўжаюць рэгулявацца дзяржавай, павялічыў індэкс спажывецкіх коштаў да 10,2%. Амаль удвая падаражэлі паслугі дзіцячых дашкольных устаноў пасля таго, як у сакавіку сваёй пастановай Саўмін павялічыў выдаткі на харчаванне, з 60 да 100%. Пасля скасавання дзяржрэгулявання коштаў, мяса, рыба, птушка, вэнджанае мяса і птушка падаражэлі на 30%, каўбасныя вырабы - на 15%. На 15 і 20% адпаведна падаражэлі алкагольныя напоі і тытунёвыя вырабы.

Але «чэмпіёнам» ва ўнёсак інфляцыі ў першым паўгоддзі ўсё ж з'яўляюцца паслугі. Чыгуначныя квіткі падаражэлі на 22-32%, паслугі гарадскога транспарту - на 19%, медыцынскія паслугі - на 19,4%, санаторна-аздараўленчыя - на 16%. На 20% падаражэлі паслугі ЖКГ, на 28% - тэатральныя квіткі. Гатэлі, кавярні і рэстарацыі (вітанне чэмпіянату свету ў хакеі) падаражэлі на 24%.

Практычна не падаражэлі нехарчовыя тавары, а кошты абутку, калі верыць матэрыялам Белстата, нават знізіліся. Нацбанк перагледзеў свой прагноз на ўзровень інфляцыі - да канца года яна павінна скласці 16-17%, або менш за 1% у месяц наступныя паўгода. Гэта значыць - урад не павінны дапусціць росту рэгулюемых коштаў тавараў і паслуг.