Каламойскі: Прадпрыемствы Ахметава і Фірташа трэба нацыяналізаваць

Кіраўнік Днепрапятроўскай аблдзяржадміністрацыі намагае на нацыяналізацыі маёмасці, прыватызаванай з парушэннем заканадаўства.

Пра гэта Ігар Каламойскі заявіў у інтэрв'ю «5 каналу».

«Патрэбная нацыяналізацыя незаконна прыватызаванай маёмасці (...) Не могуць, а павінны вярнуцца ў дзяржаўную ўласнасць: «Укртэлекам», «Захадэнэрга», «Дніпроэнэрга», «Дніпроаблэнэрга» (належаць групе «ДТЭК» Рыната Ахметава), аблгазы, 49% ЗТМК, (кантралююцца GroupDF Дзмітрыя Фірташа), «Сумыхімпрам», - сказаў ён.

Ігар Каламойскі дадаў, што падчас прыватызацыі названых актываў умовы прапісваліся «пад аднаго пакупніка», піша «Інтэрфакс-Украіна».

Акрамя таго, адзначыў ён, у некаторых актываў ёсць дзель «сям'і» збеглага Віктара Януковіча.

«Калі мы кранем таго, каму цяпер належаць гэтыя прадпрыемствы, - нейкія прадпрыемствы належаць ДТЭК, нейкія - Ostchem, або GroupDF, а хто за імі ўжо стаіць і якая ў каго дзель, мы не ведаем. Я, напрыклад, дакладна ведаю, што ў «Чаркаскім Азоце», «Севераданецк Азоце», у горлаўскім «Стыроле» ёсць мінімум 25% сям'і Януковіча. А мы ж разумеем, што калі не сам Януковіч, то ягонае блізкае атачэнне, сям'я, звязаныя з сепаратызмам і тэрарызмам», - рэзюмаваў кіраўнік Днепрапятроўскай АДА.

Каламойскі таксама прапанаваў фінансава пакараць спонсараў сепаратызму і тэрарызму: канфіскаваць іх актывы ў спецыяльнае ААТ, акцыянерамі якога стануць удзельнікі АТА і сваякі загінулых.