БАТЭ стартуе ў кваліфікацыі Лігі чэмпіёнаў

Першы матч - з албанскім «Скендэрбэў».

Барысаўскі «БАТЭ» і менскае «Дынама» стартуюць у футбольных еўракубках, піша агенцтва «Мінск-навіны».

Барысаўцф заўтра на «Барысаў-Арэне» правядуць двубой другога кваліфікацыйнага раўнду Лігі чэмпіёнаў з албанскім клубам «Скендэрбэў». Менчукі ж у сустрэчы другога раўнда Лігі Еўропы прымуць у сябе дома фінскі «МюПа». Матч адбудзецца 17 ліпеня на стадыёне «Трактар».

Гульні ў адказ пройдуць на палях спаборнікаў: 22 ліпеня «БАТЭ» згуляе ў Албаніі, а 24 ліпеня «Дынама» будзе з візітам у Фінляндыі.