Саша Барон Коэн раззлаваў жыхароў брытанскага горада
4- 15.07.2014, 18:02
- 10,091
Жыхары брытанскага гарадка Грымсбі ў графстве Лінкольншыры абураныя, як комік прадставіў іх горад у новым фільме.
Папулярны комік Саша Барон Коэн, які праславіўся выкананнем роляў казахскага журналіста Барата і гея Бруна, адлюстраваў горад Грымсбі ў сваёй аднайменнай шпіёнскай камедыі, у якой сыграў футбольнага хулігана, які дапамагае брату-шпіёну залегчы на дно, ў даволі змрочных фарбах.
Коэн не стаў здымаць камедыю ў самым Грымсбі, але вельмі маляўніча ў сваёй гратэскавай манеры адлюстраваў горад і норавы ягоных жыхароў: на вуліцах поўна смецця, сцены спісаныя графіці, вокны магазінаў зачыненыя аканіцамі, людзі мочацца з вокнаў, лаўкі забітыя бамжамі, а бацькі купляюць сваім дзецям піва, паведамляе Delfi.lv са спасылкай на The Hollywood Reporter.
«Я жыву ў Грымсбі усё сваё жыццё і не хачу, каб першае і, магчыма, адзінае ўражанне аб нашым горадзе было зробленае на аснове гэтага фільма», - заявіў адзін з жыхароў горада.