У Менску сутыкнуліся аўтобус і тралейбус (Відэа)
- 16.07.2014, 10:51
- 8,520
Учора на вуліцы Сядых ў Менску адбылася сур'ёзная аварыя з удзелам грамадскага транспарту.
Там сутыкнуліся аўтобус і тралейбус. Паводле папярэдняй інфармацыі Onliner.by, былі пацярпелыя сярод пасажыраў.
«Толькі што праязджаў - вул.Сядых, за прыпынкам школа на сустрэчнай паласе - аўтобус супраць тралейбуса - адразу за пешаходным пераходам канцавога прыпынку грамадскага транспарту. Хуткая прысутнічала», - піша карыстальнік PROGRESS_BY.
Мяркуючы з відэа, размешчаным удзельнікам форуму ZZlodey, «хуткіх» было некалькі. Паводле нашай інфармацыі, пацярпелых было трое. У іх, паводле папярэдніх звестак, лёгкія траўмы.