Пенсіянерку забілі за 50 кілаграмаў бульбы

Пракуратурай Гомельскай вобласці ў суд накіраваная крымінальная справа паводле абвінавачання жыхароў Веткі ў ва ўчыненні цяжкіх і асабліва цяжкіх злачынстваў.

Раней неаднаразова судзімы 46-гадовы мужчына і 19-гадовы маладзён у снежні 2013 ноччу праніклі ў дом мясцовай пенсіянеркі. Абвінавачаныя скралі ў яе каля 50 кілаграмаў бульбы, схаваўшы яго за межамі дома. Скарыстаўшыся тым, што гаспадыня спіць, яны паўторна праніклі ў яе дом. Гаспадыня, якая прачнулася, не магла супраціўляцца злачынцам. Яе жорстка збілі, а затым задушылі, паведаміла БелаПАН старшая памочніца пракурора Гомельскай вобласці Надзея Самусева.

Для хавання слядоў забойства абвінавачаныя падпалілі паперу ў печы на кухні і адкрылі вентылі чатырох фаерак газавай пліты. Для большай імавернасці выбуху каля газавай пліты пакінулі уключаным у сетку электрычны фен. Будучы упэўненымі ў тым, што адбудзецца выбух газу і пажар, абвінавачаныя імітавалі неасцярожнасць пацярпелай пры курэнні ў ложку, уставіўшы ў рот гаспадыні запаленую цыгарэту і пашкодзіўшы падпаленай запалкай футболку, у якой была жанчына.

З дому злачынцы забралі медалі "30 гадоў Перамогі ў Вялікай Айчыннай вайне", "Ветэран працы", нагрудныя значкі і розныя дробязі: бутэльку віна, цыгарэты, сонцаахоўныя акуляры.

Аднак пажару не адбылося, у выпадку ўзнікнення якога маглі б пацярпець і суседнія дамы.

Следчым камітэтам управы УСК Гомельскай вобласці сабраны довады вінаватасці абвінавачаных. Ім ставіцца ў віну ўчыненне наўмыснага забойства з карыслівых меркаванняў, спалучанае з разбоем, крадзеж, разбой, замах на наўмыснае знішчэнне або пашкоджанне маёмасці, укрывальніцтва злачынстваў.