МЗС спадзяецца адгаварыць Украіну ад увядзення мыт

Менск разлічвае ўрэгуляваць рознагалоссі, звязаныя з увядзеннем Кіевам спецыяльнай мыты на шэраг тавараў.

Пра гэта сайту charter97.org паведамілі ў МЗС Беларусі.

«Мы прынялі да ведама гэтую пастанову нашых украінскіх партнёраў. Не можам пагадзіцца з яе матывацыяй, бо Беларусь не рабіла якіх-небудзь крокаў у дачыненні да Украіны. Тым больш не згодныя з тым, што нашыя крокі тлумачацца як «непрыязныя».

Ліцэнзаванне імпарту асобных тавараў у Беларусі распаўсюджанае на нявызначанае кола краін, якое выклікала негатыўную рэакцыю ўкраінскага боку, не выключна супраць Украіны, як гэта камусьці хочацца паднесці. Больш за тое, гэта таксама ў поўнай меры ўпісваецца ў фармат міжнароднай гандлю: механізм ліцэнзавання ўсталяваны толькі на шасцімесячны тэрмін. Ліцэнзаванне ніякім чынам не азначае забарону альбо кватаванне, а толькі некаторае ўпарадкаванне рынку», - заявіў прэс-сакратар МЗС Беларусі Дзмітрый Мірончык.

Ва ўстанове нагадалі, што Украіна мае намер абкладваць мытамі ў суме 55-60 адсоткаў выключна беларускія тавары і на перыяд да 31 снежня 2016 года.

«Разлічваем, што час, які ёсць у бакоў да ўваходжання ў дзеянне пастановы Міжміністэрскай камісіі міжнароднага гандлю Украіны, будзе выкарыстана для ўрэгулявання існых у бакоў рознагалоссяў у рэжыме непасрэднага дыялогу. Бліжэйшым часам у Менску чакаюцца адпаведныя кансультацыі з украінскімі экспэртамі», - заявілі ў МЗС.